2009年10月23日星期五

點解我咁唔小心㗎!

        唉,點解我咁唔小心㗎,啱啱先打爛咗個玻璃盅個蓋!!

        打爛嘢對我嚟講其實係見怪不怪,不過,今次我個心好內疚,好唔舒服,因為媽咪話過俾我聽,個玻璃盅係我出世無幾耐賣嘅,佢話為咗我,專登 "懶骨子" 咁買個玻璃盅嚟裝幾片火腿㗎!咁即係話我有幾大,個玻璃盅就咁大!
 
        用咗三十幾年都仲好新淨,keep 得好好哋,點知依家俾我打爛咗個蓋,真係好唔開心,就算咁好彩俾我配番個蓋,都已經再唔係原本個 set 喇,已經失去咗果份情意!媽咪所留低嘅嘢,少一件就少一件㗎喇,無法補救,我可以點!!

        我真係好失敗,明知故犯,完全唔可以原諒!!!!!

1 則留言: