我習慣咗每次煮餸都會煮多啲，一次分兩餐。一來我唔係晚晚都得閒煮飯，所以當我唔得閒喺屋企煮嘅時候，我老豆只需將剩低嘅餸煮番熱就攪掂，唔駛重新煮過樣新嘅。其次就係買兩人份量嘅餸都幾難，所以一次過買定兩餐餸嘅份量會易啲。
好似呢碟炒雜菜咁，係之前食剩嘅，今晚就只需要加啲青口，再加入黑椒汁同鮮醬油重新調味，已經變身成另一款惹味菜式。
你睇，唔講都真係估唔到係一碟隔夜餸！
情況就好似 fashion 咁，將幾套衫拆開嚟重新互調配搭，就可以做出唔同 style 嘅新款式，大玩 Mix & Match ，烹飪都係一樣 o架，不妨大膽嘗試，創造出自己獨有嘅 fusion 菜！
又講得幾好聽噃..... 一句講晒..........懶就真
回覆刪除[版主回覆06/12/2009 01:18:00] 作死呀妳？ 我即刻 搵 Fedex 或 DHL 速遞個鎚過美國扑死妳！！ 死 嘢，彈 咗條方教人整 muffin，跟住又唔去睇 吓，妳都唔係一個好老師 嚟 嘅，都唔緊張學生 o架！ 妳快 啲去睇我個 放榜 muffin ，之後做試後檢討呀！唔淮淨係講 "即到"！
終於都認啲錢多到駛唔晒嗱....Fedex 個 鎚 好貴架 你嗰篇嘢 "short"鬼咗就真呀....我巳經留咗兩次言喇，就消失咗..唔知 yahoo 定你 "short" 咗喇，我再留多次...你睇唔倒我都冇辦法喇
回覆刪除[版主回覆06/12/2009 16:15:00] 咁邪？咁妳睇唔睇得番妳個 message 呀？唔怪得之咁多人投訴 Yahoo! 啦，我都要投訴呀，攪到我錯怪好人！ 喂，點窮極都有錢速遞個鎚去扑妳 啩！