講開麥芽糖梳打餅，我成日都間唔中會諗番起細個時媽咪買俾我同阿馳食嘅「雀目牌 (Bird's Eyes) 雪糕蛋糕」，有食過嘅朋友應該記得我講邊隻啦。哩，外面好似瑞士卷咁嘅蛋糕，包住裡面嘅係雲呢嗱雪糕，而喺蛋糕同雪糕中間就搽咗層紅色嘅果醬果隻呀！記得未呀？
原來唔係淨係我有食過，一講出嚟，Louisa 同 Lily 都即刻話食過，仲話好好味 o添，好想搵番嚟買嚟食，大家都好懷念呢嚿雪糕蛋糕。其實我都有留意啲比較大間同高檔啲嘅超市，睇吓依家搵唔搵得番嚟買，雖然俾我見到好多 Bird's Eyes 嘅產品。但就偏偏無果隻雪糕蛋糕囉！
P.S. 如果有網友都記得呢隻雪糕蛋糕嘅話，就千祈唔好回應呢篇 blog，事關你一回應就暴露咗你嘅年齡秘密 o架啦，呵呵！！
話口未完，我寫完呢篇 blog 之後就試 吓 search 「雀目牌雪糕蛋糕」，點知原來已經有兩位網友搵到蛋糕 嘅資料，「雀目牌」公司仲重新投產呢隻雪糕蛋糕 o添： http://hk.myblog.yahoo.com/jw!8zL3T_KRHB4hSNk6PZ4jAqz..g--/article?mid=36
回覆刪除http://hk.myblog.yahoo.com/jw!YfbDM52ZGQVV4.UeJSyVaCtf3Q--/article?mid=2939
呢個係官方網頁 嘅資料，仲有埋幅相 o添呀：
http://www.birdseye.co.uk/features/arctic-roll/
仲俾我 喺 Youtube 度搵到個廣告 o添呀：
http://www.youtube.com/watch?gl=HK&hl=zh-TW&v=hcDPvSgk0cg
最攪笑 嘅係其中一個網友都好似我咁講：「請各位唔好扮細, 呢隻兒時 dream food年屆三十的人冇理由唔識呀」真係抵死！
哦~~
回覆刪除廣告都比你找到!!! 原來仲有脆皮添架? 唔睇返個廣告真係唔知呀!!!
[版主回覆05/11/2009 16:42:00] 哈哈，我梗係唔會咁無聊專登去搵個廣告啦，只不過係當我打 "雀目牌雪糕蛋糕" 落去個 searching engine 時，無意中俾我見到 啫！
喂, click咗入去一睇到嚿雪糕, 眼淚同口水都勁流呀 !因為好耐冇見佢啦, 眼淚即刻忍唔住, 唔見咁耐,佢重係咁吸引,口水又係忍唔住, 邊個可以話我知邊道有得買呀 !
回覆刪除[版主回覆05/12/2009 00:25:00] 我都好想知，即刻買番 嚿 嚟食 ！
果utube廣告寫住係1987年...仲好似係大L唱添. 真係無咩印象添....哈哈哈....唔係扮失憶... 不過睇番...真係好想好想食.... 正如,果O的網友仔話齋,果個年代,個個屋企又點會負擔得起哩O的"貴格"甜品丫...真係有咩"喜慶"先切一小片食咋....我記得當時都唔捨得食咁多,怕一次過食哂...無得食.
回覆刪除[版主回覆05/18/2009 01:24:00] 嗯，我 哋 倆個細個時都有得食呢個雪糕蛋糕，咁我 哋都算係 "大戶人家" 喎，呵呵！