為咗整呢個 Brownie，果晚我只係瞓得五個零鐘咋，因為星期日晚放工返到屋企，坐都無坐低休息過就即刻入廚房準備夜晚餐飯，一路煮嘢一路開機洗衫，食完飯、洗好碗後就去晾衫，之後就去沖涼，沖完涼出嚟諗住郁手整餅，等第二朝唔駛咁趕趕切，點知睇吓個鐘，原來已經好夜，加上我又唔熟手，手腳好慢，根本唔夠時間當晚整起佢，所以咪淨係量好哂 所有材料份量，第二朝校定鐘 7:00am 起身梳洗完就即刻開工，早餐都係一路整、一路食咋！好彩之前都已經實習過一次，如果唔係可能需要更多時間㖭呀！
雖然好早就已經焗好出爐，但係因為要完全攤到凍哂先可以入袋 ( 如果唔係涼透入袋會有水氣，整腍件蛋糕 )，所以又阻咗啲時間，最終都係要遲到，真係唔好意思！Miss 問我點解唔預早整，其實我都好想咁做，不過早排成日落雨，濕度好高，我驚會整到嚿 Brownie 受潮變腍，咁到時 Winnie 同 Miss Cheng 就食唔到原本嘅味道同質感，到時就嘥咗我一番心機，所以唯有自己辛苦啲、瞓少啲囉！Miss 仲話我好講究呢！
不過當見到件製成品做好時，心裡面係非常開心，呢種開心對於果啲未試過整嘢食嘅人嚟講，係完全唔會明白、唔會 feel 到，可能只會覺得你點解咁無聊，攞苦嚟辛！
睇吓張相，個賣相都唔差啫，第一次整都算係咁啦，我自己覺得已經合格㗎喇，有 70 - 80 分啦！
材料：
高筋麵粉 50克
中筋麵粉 60克
可可粉 75克
中筋麵粉 60克
可可粉 75克
即溶咖啡粉 2湯匙
雞蛋 75克 ( 約等於1隻半雞蛋 )
牛油 120克
砂糖 140克
合桃 25克
無花果乾 25克
防潮糖霜 適量
雞蛋 75克 ( 約等於1隻半雞蛋 )
牛油 120克
砂糖 140克
合桃 25克
無花果乾 25克
防潮糖霜 適量
- 合桃洗乾淨後，用抹手紙索乾水份，之後放入焗爐內用180°C 焗約 6 - 8分鐘至
焗出香味，之後拎出嚟攤凍後剪碎成細粒。
焗出香味，之後拎出嚟攤凍後剪碎成細粒。
- 無花果乾略為沖洗一下，可以令到佢軟身少少，無咁乾硬，然後切粒備用。
- 牛油先放於室溫軟化，之後加入砂糖，用電動打蛋器打到發白、軟滑絨毛狀。
- 雞蛋拂打成蛋液後，分數次拌入牛油糖霜中。
- 將已經過篩 3 次嘅粉類混合物分次加入蛋糊裡面，用打蛋器拌勻。
- 加入合桃、無花果乾，拌勻。
- 將麵糊倒入焗盤，之後掃平表面，用180°C 焗約 15 - 20分鐘。若插入牙簽，抆
番出嚟之後無麵糊黐喺牙簽上面，即代表已經 OK，可以拎出嚟放涼喇！
番出嚟之後無麵糊黐喺牙簽上面，即代表已經 OK，可以拎出嚟放涼喇！
- 等到蛋糕完全涼透時，就喺表面灑上糖霜裝飾。
紙模裝起佢，然後包裝入袋，你哋覺得邊款靚啲呢？
除咗佢哋之外，我仲留咗幾件俾阿馳同阿瑩試吓，
希望病咗嘅阿瑩會開心啲、同埋快啲好番啦。
我老豆、Winnie 同 Miss 食過都話好好食，聽到之後好開心，總算叫做無白費心機，捱吓眼瞓都係值得嘅！
Notes：
- 原食譜係用牛油 150克，但我上次試做時發覺太肥膩，所以減少咗 30克。
- 我自己用咗無花果乾代替原食譜嘅入爐朱古力。
- 焗完合桃之後，記得將爐門盡快關上，保持爐內溫度，方便之後唔駛再預熱焗
爐。
爐。
- 上次試過跟食譜用 200°C 焗 20分鐘，蛋糕面有少少已經焗燶，所以今次就改
用 180°C 焗約 15 分鐘。蛋糕中間 OK，但邊位就比較乾同脆，可能因為我用
嘅焗盤 size 比較大，變相麵糊鋪得比較薄、比較易熟。
用 180°C 焗約 15 分鐘。蛋糕中間 OK，但邊位就比較乾同脆，可能因為我用
嘅焗盤 size 比較大，變相麵糊鋪得比較薄、比較易熟。
- 原食譜並無落到咖啡粉，只係自己做吓實驗， Winnie 一打開個包裝袋話已經聞
到好香咖啡味，不過食落口就唔夠濃，話可以落多少少咖啡粉㖭！
到好香咖啡味，不過食落口就唔夠濃，話可以落多少少咖啡粉㖭！
條形高貴d，但個杯冇四方果隻咁靚呀! 賣相好正好味咁呀!
回覆刪除[版主回覆05/29/2009 16:23:00] 係呀，真係好好味 o架，個個食過都讚 o架！妳都試 吓啦！