2009年5月20日星期三

橙香經典朱古力蛋糕 Gâteau classique au chocolat & orange

        今日係 Arthur 嘅生日,喺度同佢講聲 Happy birthday!! ,其實前日都已經同佢講咗一次 Happy birthday o喇,仲親手整咗個生日蛋糕俾佢 o添!

        其實自從媽咪離開咗之後,我就決定唔再提生日呢樣嘢,唔會慶祝生日 ( 雖則我不嬲都唔興呢樣嘢 ),唔會再同人慶祝生日,even「生日快樂」都唔會講,呢點我身邊所有較熟嘅朋友都知道,點解?自己慢慢參透個中玄機吧!

        但今次就好破例,不但 sayHappy Birthday」,仲整埋生日蛋糕 o添,又問點解?原因好簡單,完全係因為 Louisa嘅面子囉!有睇開我個blog嘅朋友都知道,Louisa份人有幾好,大家都好清楚,雖然我哋都只係識咗好短時間,但係佢對我都一樣好好,所以我都好開心、都會對佢好好、好尊重佢。咁今次其實又唔係完全因為佢嘅,Arthur Genevive 係近排我識咁多細路仔之中,算係好乖、好聽話、好有禮貌、好有家教嘅小朋友,所以我都好鍾意佢哋、好錫佢哋。加上Arthur 自從知道已經報咗 2級考試後,近排都勤力咗練琴,無之前咁懶,啲考試歌都彈得唔差,我好開心 o架,所以咪專登做個生日蛋糕吓佢開心囉!

        Arthur 係一個勁鍾意食朱古力嘅小朋友,加上佢又唔鍾意食果仁,所以我搵咗 recipe 好耐,最後決定整呢個簡單又好味嘅經典朱古力蛋糕,貪佢朱古力味夠濃又無 nuts 呀




材料:
苦甜朱古力   
 60克
牛油                 40克
蛋黃                 40克 (約兩個蛋黃)
蛋白                 80克(約兩個半蛋白)
砂糖                 8
0克
中筋麵粉         8克
粟粉                 2克
可可粉             30克
淡忌廉             30克
糖漬橙皮粒     2湯匙
糖霜                 適量
 
- 先用180°C將焗爐預熱。

- 牛油同朱古力放入微波爐內,以每次 "叮" 15秒嚟溶解牛油同朱古力,之後拌  勻,並
  重覆步驟直至所有牛油同朱古力完全溶化為止。

- 忌廉喺雪櫃拎出嚟之後,需放入微波爐加熱至人體體溫,大約 "叮" 30秒。

- 蛋黃加入40克糖,坐熱水打至發白。

- 將朱古力牛油溶液同忌廉加入打發好嘅蛋糊度拌勻,之後再篩入麵粉、可可粉同橙皮
  粒拌勻。

- 另外準備蛋白霜,先將蛋白打至起泡,然後分 3次加入糖繼續打發,直至蛋白打
至企
  身為至。

- 打至企身嘅蛋白分3次加入麵糊中,必須輕手拌勻,否則蛋白就會好易消泡。

- 將麵糊放入焗爐焗 25-30分鐘。

- 出爐後脫模,蛋糕冷卻後若中間部份下陷屬正常現象。

- 最後灑上糖霜就完成。
 
以上材料份量可做一個 7吋蛋糕。

食譜參考自Vanlily  Banana Classic Chocolate Gateau



        焗完出爐時個蛋糕仲係漲卜卜,到攤凍咗之後就慢慢凹落去,睇吓個細嘅 "剩餘物資" 就知道。我老豆食咗個 "剩餘物資" 之後,猛咁話好滑、好好食。原本啲橙皮粒係撈得好均勻 o架,到切開之後一睇,發覺同其他網友所講一樣,全部沉哂落底,因為成個蛋糕大部份都係充滿空氣嘅蛋白,麵粉所佔嘅比例非常之少,所以唔夠承托力!真係好佩服 Vanlily,佢整果個蛋糕啲香蕉完全喺面見得到,無沉到落底。






        壽星仔一家梗要影番張全家福大合照留念啦!依,
原來我唔記得咗同壽星仔影番張相

         

        Louisa話雖然 Arthur 表面上無乜嘢咁,但其實睇得出佢心裡面係好開心,真係知子莫若母!Arthur 食完之後就 "Lem Lem 脷",走埋嚟話要食多少少,Louisa 就大讚好味,一邊整緊個香蕉蛋糕,一邊話遲啲都試吓整,就連工人 Jovi 都話好食,Louisa 話等我俾咗個  recipe 佢之後就叫 Jovi 整,跟住佢就可以星期日拎埋去同朋友一齊分享 ( 唔知 Jovi 係咪會拎去皇后像廣場度呢 )。

        我走時候,Jovi 同我 say bye & thank you for my cake,我同佢講:「Next time you make a big one and let me try it!」Jovi 就勁笑住咁話:「 OK,OK!」

        鍾意整嘢食嘅人,最開心就梗係成功整到一啲自己鍾意食嘢出慢慢品嘗,但係見到人哋食自己整嘢覺得好好食、食得好開心時,自己就更加開心!




Notes:
- 我用嘅苦甜朱古力係 55%。

- 若有低筋麵粉的話,可直接用10克低筋麵粉而唔駛加 2克粟粉。

喺溶解牛油同朱古力時千祈唔好心急,一定要逐次 10秒慢慢將佢攪拌溶化,因
 
為朱古力好易燶,而用微波爐加熱油脂係好易會 "爆",我試過一次用微波爐溶
  牛油時,臨開爐開前突然聽到 "卜" 一聲巨響, 原本
啲牛油喺爐內爆到七彩,成
  個爐都爆到係哂油,攪到我要抹餐死!

- 由於呢個朱古力蛋糕口感係應該比較濕潤,唔係焗到完全乾身,所以當用牙
  籤插入蛋糕後,如果仲
有少少蛋糕麵糊黐住的話,其實就已經 OK 喇!

- Gâteau classique au chocolat & orange (Fr.) = Orange Classic Chocolate Cake

6 則留言:

  1. 祝Arthur生日快樂,個蛋糕一定好好味 !!
    [版主回覆05/20/2009 13:47:00]        係呀,個蛋糕真係好好味 o 架!

    回覆刪除
  2. 係呀, 個蛋糕真係好有水準,我都要試下整先!多謝Kestrel, Arthur好感動呀, 佢到依家都話好記得當時既心情喎, 呵呵 !跟,你做咩幫我地打格仔呀,比人睇吓我幾駐顏有術嘛 !
    [版主回覆05/27/2009 14:54:00]        哎喲,唔駛咁客氣喇,妳同 Arthur 講,我都係見佢肯努力俾心機練琴先至整個蛋糕 " 氹" 吓佢開心咋!只要佢自己開心就得啦!         我整個蛋糕都叫有水準,咁 Vanlily整 嘅咪勁正?咁妳幾時整番個俾我食呢?         真係唔好意思,唔記得 咗要 show 妳個白滑青春樣俾人睇 o添!妳唔好唔記得妳個仔話叫唔好 post 上網 o架!所以我有個習慣,逢 嚫 post 啲未得對方同意公開 嘅相我都會打格仔 o架,不過就整唔到 "聲音經過處理" 囉!

    回覆刪除
  3. 呀,Arthur最慘就係只狗仔喎, 個body比佢食咗, 我頭就掉咗, 哈哈 !
    [版主回覆05/27/2009 14:56:00]        咁妳應該叫佢 keep 番起個頭做紀念嘛!         Keep 番起個狗頭?依, 諗起都恐怖!

    回覆刪除
  4. 我試過整香蕉, 都無沉落底呀!!!!
    [版主回覆09/28/2009 01:14:00]         妳咁叻,有咩獨門秘方?

    回覆刪除
  5. 將香蕉切既長度與模一樣咁高, 焗起後就會見香蕉下陷少少, 但仍舊見到.
    我之前到有整過^^, 你可以搵來睇下.
    [版主回覆09/29/2009 12:46:00]        睇 咗妳個蛋糕啦,好靚喎, 啲香蕉真係清楚見到呀!         照妳咁講,咁 啲香蕉咪好長,好似 "打樁" 咁插入個蛋糕度?

    回覆刪除
  6. Simply Love Homemade Dessert2009年10月29日 上午11:39

    你好, 我想問你係咪甩底模定慕思鋼模? 如果用慕思鋼模唔知得唔得呢..
    [版主回覆10/31/2009 01:00:00]        我係用甩底模 o架,都係 喺 JUSCO $10 店買果 啲細模之嘛!之前曾經用過朋友個 6 吋防黏甩底模 嚟 整呢個 經典朱古力蛋糕 ,都 OK 方便呀!我 諗其實用 mousse 圈都一樣得,不過記得要加塊托板放 喺底囉!

    回覆刪除