2009年5月6日星期三

羅漢果煲金銀菜

        呢輪啲天氣好乾燥,最啱就係煲番啲滋潤湯水潤番吓,加上前幾日聽到我老豆猛咁喺度咳,所以又再煲呢個羅漢果煲金銀菜湯囉。



        今次啲湯非常之甜,簡直好似飲緊糖水咁,連我老豆試完味都話唔好落鹽,就咁飲仲好味。唔知係咪因為個羅漢果又大又靚呢?


        不過唔知大家近排有冇遇到好似我嘅情況呢,呢兩次煲湯啲紅蘿蔔煲極都唔腍,我老豆話今日個蘿蔔仲硬過上次 o添!真係唔係好明,已經兩次都喺唔同嘅菜檔買 o架喇!


沒有留言:

發佈留言