乜呢輪咁黑仔 o架！

        今朝用完樽柚子蜜之後，打開雪櫃準備放番入去時就跣手跌落地打爛咗，之後就梗係即刻做善後工作啦，攪掂哂去洗手時，點知原來隻手黐滿哂啲好微細嘅玻璃碎，雙手一摔，咁就界損埋隻手，仲不停流血 o添！好彩都只係流咗一陣間咋！

        其實我不嬲都好怕拎樽柚子蜜，個樽又大又重，我隻手就又乾又唔夠大，好難將佢揸穩，卒之今日真係打爛咗，樽新開嘅柚子蜜只係用咗兩次咁就報銷喇！

        呢輪都唔知做乜咁黑，無論私人學生同中心嘅學生都有唔學；部 Hi-Fi 又 read 唔到 CD；部手提個喇叭又壞埋，有電話入都唔響；仲接二連三有血光之災 o添，唉！