簡易咕嚕豆腐

        前幾日煮咖喱吞拿魚意粉時用剩咗啲菠蘿，今日就用佢嚟煮咕嚕豆腐。

材料：
實豆腐
番茄
罐頭菠蘿

調味料：
茄汁
白醋
鹽
糖
粟粉

- 番茄洗淨、去蒂，然後切件。

- 菠蘿瀝乾糖水、切丁備用。

- 豆腐沖一沖洗，之後灑上少少鹽，再用抹手紙將整嚿豆腐包住，然後用重物壓喺
  豆腐上面，迫出多餘水份。

- 之後將豆腐切件，薄薄咁撲上粟粉，放入已燒熱油鑊內，用中慢火煎香兩面，盛
  起備用。

- 加調味料同水落鑊，煮成咕嚕汁。

- 煮滾汁後，加埋菠蘿同番茄落鑊一齊煮，唔駛煮太耐，煮熱就 OK，否則番茄易
  煮爛。

- 最後用粟粉水埋薄芡，然後將咕嚕汁同菠蘿、番茄一齊淋喺豆腐面，食得！

P.S. 最衰上次唔記得留番起啲菠蘿糖水，如果唔係用佢嚟埋芡仲好味！