Louisa 去完日本返嚟，又買咗手信俾我呀！其實我之前都已經 send 咗 e-mail 俾佢，叫佢今次去日本唔好買嘢俾我喇，點知佢都係咁客氣。不過今次我就好歡喜呀，因為佢買咗袋日本金時紅豆俾我，仲要係有機 o架，我一睇到就不停咁話「真係好靚，呢包紅豆真係好靚！」見到都勁開心！
就咁睇可能睇唔出有乜咁靚，最多都只係覺得色澤好靚。
但係當一拼埋落啲中國紅豆度，就即刻分出高下啦！中國紅豆即刻遜色哂，色澤唔夠紅，又唔夠肥大；金時紅豆就又大又紅！不過我依家都煩惱緊點樣整咗佢嚟 "品嘗" 呢！用嚟煲紅豆沙又好似嘥咗啲，要嚟整宇治金時？以我啲咁嘅廚藝又驚 "糟蹋" 咗佢，你哋有咩好提意呢？
都唔係d咩好野,你鍾意就得啦, d人見到我連紅豆都買幾包,都話我傻架 !我琴日已經煲咗紅豆沙啦,煲之前浸咗兩個鐘頭, 加塊果皮煲咗1 1/2小時, frankie話同香港d冇得比, 九龍城買果d日本紅豆都冇 le d 咁好食呀,你得閑試下煲啦, 我下次又會再買架啦 !
回覆刪除[版主回覆05/12/2009 00:31:00] 我 攞包紅豆俾我老豆睇，佢即刻話好靚，佢以為我係買 啲本地有機紅豆，叫佢估下幾錢，佢話大約 $50 度啦！我話維起港紙十零蚊包咋，佢都話好抵！
你果包食咗未呀, 我煮咗一包之後就諗住留番得閑再煮啦!點知果攞出來就發現已經生虫喇! 好驚 ~~重好可惜 TIM NE !!!!
回覆刪除[版主回覆06/19/2009 02:06:00] 哈哈，我知我屋企勁熱，咪一早放 咗入雪櫃喇！我屋企有袋未用過 嘅淮山就 "Au" 哂虫，飛到成屋都係 o添呀！真係唔明，點解無端白事會有蟲 "Au" 出 嚟，佢 哋究竟點出生 o架？無性繁殖？
咁咪好可惜？