雙冬炆火腩

        上星期比較忙，煮好餸、影低哂相都無時間掟上嚟個 blog度，今日比較得閒就一次過補番哂啦！

        呢個雙冬炆火腩真係一個好經典嘅港式菜，記得細個時媽咪間唔中都會整 o架！咁依家想回味一吓當年嘅味道，就唯有自己郁手試試喇。今次都係繼續用老豆拎番嚟嘅冬瓜煮呢個餸。

材料：
冬瓜
冬菇
燒肉
薑片

調味料：
鹽
糖
蠔油

- 冬瓜去皮、去瓤，然後切件。

- 冬菇用水浸軟，洗淨後揸乾水，備用。

- 燒紅鑊後，加油，先爆一爆啲燒肉，盛起備用。

- 再次落油，放薑起鑊，將冬菇同冬瓜一齊放落鑊度兜炒一陣。

- 加調味料，用慢火炆至冬瓜半腍。

- 將燒肉回鑊，再炆多5 - 8分鐘度就完成。