2009年7月10日星期五

免費港鐵車票

        早前唔記得咗咩原因會登記成為港鐵「友禮會」會員,本來諗住都無乜用途 o架喇,因為我都比較少搭地鐵、火車,唔似得其他人咁日日返工、放工都搭,點知最近一次無聊上網登入 check 吓自己有幾多分,先至發現原來不經不覺已經儲咗過千分,咁我就即時睇吓可以換到咩禮品啦,發現最有實際用途嘅免費單程車票只需 400 分就可以換到一張,咁所以我咪立即換咗兩張囉,因為啲積分只可以用到今個月中咋!其實我只係仲差少少就夠 1200 分,可以換多張 o添呀!不過唔緊要啦,反正都係意外收獲。



        果兩張車票當然係用嚟搭長途車最著數啦,一張要嚟搭去銅鑼灣,另一張就用嚟搭去將軍澳,夠哂抵喇啩!


        你哋估吓最受歡迎嘅禮品係咩?原來係迪士尼免費入場票一張呀!咁荀,梗多人爭住換領啦,所以當我睇吓有咩禮品揀時,張入場票已經打住四隻大字:「全部換罄」!不過即使未被人換哂,我都無資格換領,因為要成 4000 分 o架,我點會有咁多分呢!


沒有留言:

發佈留言