唉，間屋真係熱到嚇死人呀，早前放喺櫃裡面包淮山都冇乜點食過就 "au" 哂，仲攪到啲蟲飛到周圍都係；Winnie 專登買嚟送俾媽咪果幾枝蓮花，唔夠幾日就凋謝枯乾；最慘就係啱啱先買咗無幾耐果兩盆香草都遭殃，盆薄荷底部幾乎禿哂，啲葉就又燶又乾，盆羅勒仲死，三枝主幹中，其中一枝我諗應該報銷，成枝都乾旱，變成深啡色，另外兩枝啲葉就 "dup" 哂，不停脫落。個個都話香草好易種，我諗我呢兩盆香草都可以入健力士紀錄，係史上最快俾人種死嘅香草！
依家勁唔開心囉，好 down呀，希望寄居喺 Louisa 屋企後有起色啦！
真係記住唔好買西斜樓！！
我今日見到你果兩盤野啦 ! 嘩,都差唔多唔得架啦, 有咩可能又乾又瘦架,呵呵(有D似你) 我冇攞返屋企喎,留咗喺公司,叫公司阿姐比D心機照料吓,希望有起色啦,我公司阿姐搞植物有一手架,唔洗擔心喇!
回覆刪除[版主回覆07/03/2009 02:15:00] 唉，盡人事啦！咁妳可知我屋企幾熱呢！我已經不停淋水 o架喇。幫我多謝妳公司阿姐啦！