天氣咁熱，一向都唔係好飲凍嘢嘅我，間中都會飲吓嚟解渴、消暑，但就好少飲汽水。每年夏天，我都會預備定一壺冰水放喺雪櫃，方便沖凍飲，有興致的話就會煲定豆漿雪凍嚟飲，但係唔係成日都咁有興致 o架嘛！所以就會改煲麥茶，貪方便嘛，淨係將佢倒落煲度，加水煮滾就攪掂，懶起上嚟真係乜都唔願做 o架！
其實麥茶即係用大麥嚟沖茶，沖出嚟嘅茶有陣好濃嘅麥香味，雪凍嚟飲仲正！只需 1公升水加 10克麥茶，煲滾 3分鐘，攤凍後就可以飲喇，係咪簡單方便呢？仲健康過飲汽水 o添！
呢啲就係煲完茶剩低嘅大麥，煲到開哂花呀！
我想問問 係乜野味架
回覆刪除[版主回覆07/25/2009 19:18:00] 好多朋友飲過都以為係玄米茶呀！咁都有幾分似 嘅。
請問包麥茶可在那裡買?thx~
回覆刪除[版主回覆07/27/2009 02:05:00] 我呢包麥茶就只係 喺 屋企搵到，唔咪好知來源，應該係朋友送 啩！不過我 喺吉之島超市見過有得買，應該係日本貨。