2009年7月1日星期三

屋企真係熱到爆燈!

        唉,間屋真係熱到嚇死人呀,早前放喺櫃裡面包淮山都冇乜點食過就 "au" 哂,仲攪到啲蟲飛到周圍都係;Winnie 專登買嚟送俾媽咪果幾枝蓮花,唔夠幾日就凋謝枯乾;最慘就係啱先買咗無幾耐果兩盆香草都遭殃,盆薄荷底部幾乎禿哂,啲葉就又燶又乾,盆羅勒仲死,三枝主幹中,其中一枝我諗應該報銷,成枝都乾旱,變成深啡色,另外兩枝啲葉就 "dup" 哂,不停脫落。個個都話香草好易種,我諗我呢兩盆香草都可以入健力士紀錄,係史上最快俾人種死嘅香草!


        依家勁唔開心囉,好 down呀,希望寄居Louisa 屋企後有起色啦!


        真係記住唔好買西斜樓!!


1 則留言:

  1. 我今日見到你果兩盤野啦 ! 嘩,都差唔多唔得架啦, 有咩可能又乾又瘦架,呵呵(有D似你) 我冇攞返屋企喎,留咗喺公司,叫公司阿姐比D心機照料吓,希望有起色啦,我公司阿姐搞植物有一手架,唔洗擔心喇!
    [版主回覆07/03/2009 02:15:00]        唉,盡人事啦!咁妳可知我屋企幾熱呢!我已經不停淋水 o架喇。幫我多謝妳公司阿姐啦!

    回覆刪除