2011年5月24日星期二

蒸蘿蔔糕

        今年過年無整到蘿蔔糕,只係整五香臘味芋頭糕,但其實都係覺得蘿蔔糕好食啲,因為芋頭糕相對比較乾身。但係蘿蔔糕我又鍾意食蒸多過煎喎,一來我不嬲都唔太好煎炸嘢啦,二來蒸蘿蔔糕比較濕潤軟滑,好似食緊布甸咁,一羹羹 "畢" 嚟食,好滋味呢!




材料:
臘腸         1

冬菇        
4 隻
蝦乾         適量

蘿蔔          670
清雞湯      150 毫升
粘米粉      45
粟粉          40
           150 毫升
蔥花         適量
 
調味料:
鹽           1
茶匙
糖             適量
胡椒粉     少許


- 臘腸隔水蒸至軟身;冬菇洗乾淨,用清水浸發;蝦乾洗淨,用清水浸軟。

- 將以上三樣材料切粒備用。

- 蘿蔔去頭尾、刨皮,切開兩份,一份刨絲,另一份切幼條。

- 將全部蘿蔔落鑊,用雞湯煮腍,之後加入調味,拌勻。

- 粘米粉同粟粉混合好,加水拌成粉漿,之後撞入蘿蔔內。

- 加入配料粒,拌勻後就倒入碗內。

- 隔水蒸約 20 - 25 分鐘,灑上蔥花,再蒸多 1 - 2 分鐘即可。


食譜參考自 Cherry Poon 砵仔蒸蘿蔔糕

 



上面材料份量可做兩大碗蘿蔔糕。

 



  
你睇,真係好似布甸咁幼滑呀,非常好食!

 

 

今晚就係食芋頭排骨粥同蘿蔔糕喇!

 

 




粥煲得非常綿,前後都只係用明火煲咗半個鐘度咋,
真空煲真係既方便又環保。




 


Notes

- 配料可隨自己喜好增減。

- 浸冬菇水同浸蝦乾水可留用,混合後加清水至適當份量,即可作開粉漿用。
 











3 則留言:

  1. 我鐘意食煎多D, 但係好肥.
    今年過年都無整. 太煩啦, 要刨絲
    [版主回覆05/25/2011 00:35:00]         又唔駛用手刨,機刨咋嘛!

    回覆刪除
  2. 我用普通煲都係明火半粒鐘攪掂喎...我跟啊蘇嘅譜...加果皮!
    尋晚啱啱煲完咸瘦肉粥比少爺仔咋....佢發燒呀....103度!
    吓....又撞喇!
    [版主回覆05/25/2011 19:18:00]        咁快手,半粒鐘就可以煲好粥?我咁耐都未試過明火煲粥,仲以為要好似煲湯咁耐 o添!         我屋企 啲果皮係正新會陳皮,仲要係收埋 喺灶底唔知幾多年,閒閒 哋都有十幾廿年,分分鐘仲大過我,市值過萬蚊一兩都唔定,所以我唔敢係又用,唔係又用,因為依家媽咪唔 喺度喇,我表舅父表舅母年紀又已經好大,根本唔會再返鄉下,所以已經無人再帶正新會新皮返 嚟喇,我要慳住用呢!         鬼整囉,我成世都唔煲一次粥,咁都又撞!?         做乜少爺仔又發燒呀?又係抽筋影響?希望佢快 啲好番啦!

    回覆刪除
  3. 看完您的作品, 好想食呀蘿蔔糕呀.  
    [版主回覆05/25/2011 19:10:00]         咁就快 啲郁 手整啦!

    回覆刪除