今日真係相當充實，由朝做到晚，day-off 都仲攰過平時返工！
一早起身就洗衫，要同個天鬥快呀，因為明知下晝會狂風大雨，要趕喺落雨之前晾乾哂啲衫。攪掂之後就即刻落街買餸，盡快買完返屋企開工做阿茂，首先就係整好個批底麵糰，放入雪櫃度雪硬。
喺等緊個批底麵糰雪好時，我就快快手整好咗個香蕉蛋糕。
焗完蛋糕，時間啱啱好，輪到個批入爐喇！到晏晝食完嘢都已經 4 點幾，抖一陣，跟住又入廚房準備夜晚嗰餐。
今晚煮咗肉醬意粉，都係同樣跟 Margaret 個食譜整。
肉醬料要慢火炆約一粒鐘，喺呢個時候，我當然唔會浪費時間啦！就趁呢一粒鐘時間抹淨佛壇，因為聽日係十五呀！食完晚飯，洗好哂嘢就去沖涼，沖完涼出嚟就到試味時間。
飯後甜品：朱古力南瓜批。
時間啱啱好，趕及 11:00pm 前食完個批，因為 11:00pm 後已經係十五，唔食得啦！之後就開始 edit 啲相同寫 blog，已經攰死咗喇！！
作 C 頂喇....又同你撞蛋糕, 連個天都一樣....落大兩呀！有冇咁啱呀？
回覆刪除不過.......我個香蕉蛋糕好似正啲咁噃！
[版主回覆05/17/2011 17:39:00] 鬼整妳咩，成日都同妳撞蛋糕、撞 餸 o架！ 妳個香蕉蛋糕梗係正過我 嗰個多多聲啦，起碼用料十足嘛！我整 嗰個只係要 嚟攝時間同清 咗冰格隻香蕉咋！
我放假到好忙, 仲忙過返工
回覆刪除[版主回覆05/17/2011 17:40:00] 哈哈，大家咁話啦！
作C你2條友啦...相隔條太平洋都可以係咁撞既 ...又唔見俾我撞0岩分黎食
回覆刪除[版主回覆05/19/2011 14:20:00] 咪係，咁鬼遠都成日撞都有 嘅！ 搵次妳撞入屯門，跟手搭船過對面機場，再直飛去三藩市，咁就撞正哂我 哋整 嘅 嘢食 o架喇！