見到個標題，咪以為我咁有心思、咁有興致自製乾花呀，純粹係無心插柳之作，完全估唔到有咁好嘅效果，好開心呢！
查實係我將啲用過嘅果皮，放入雪櫃度辟味，隔咗一段日子之後，
發覺完全乾硬哂之餘，仲留有一股清香，咁我先至
靈機一觸，諗到用嚟做乾花擺設咋！
呢幾塊係食完橙之後放入雪櫃嘅橙皮，左邊深色嗰塊
係已經俾我磨完橙皮茸。
呢幾個係榨完汁之後嘅橙皮殼同青檸皮殼。
呢兩朵蘭花就無放入雪櫃，只係佢凋榭跌落嚟時已經變得非常乾燥。
買包檸檬葉返嚟，總會有幾塊特別快變成啡色，咁我就唔會再用，
放窗邊曬乾佢，又可以用嚟做乾花。
加埋少量買返嚟嘅乾花就可以做成家居擺設。呢碟乾花係混合咗
薰衣草系列乾花，所以全部都染成紫色，左邊果兩枝
係我盆九層塔開嘅花，曬乾之後就變成咁樣喇！
另外整咗一小杯送俾媽咪，係咪好靚呢，仲好濃橙味呀！
你都得架喇.........
回覆刪除[版主回覆05/13/2011 12:13:00] 哈哈，慳家本色嘛！
其實做乾花都好易, 例如玫瑰.
回覆刪除買黎返插一輪, 覺得佢開始想謝(未謝到出晒面個時) , 就倒釣佢
釣起通風既地方, 咁就ok.
倒釣<< 依個動作都好簡單, 用像筋扎實花腳, 再加一個 S 勾.
[版主回覆05/13/2011 12:16:00] 咁又真係幾易喎！不過我自己好少買花返屋企插。 多謝哂妳 嘅 分享呀！
你可以係呢碟乾花內滴幾滴香薰油....就係天然既香薰乾花了....
回覆刪除[版主回覆05/14/2011 18:18:00] 係呀，我都有 諗過，不過覺得 啲香薰油好貴，有冇好介紹？ 要平靚正 o架！
我家最近整乾緊檸檬皮，聽說防蟲...................
回覆刪除[版主回覆05/14/2011 18:17:00] 係，咁我又唔知喎！