今日係惠康買完豬肉就無嘢買啦，所以就兜咗個圈，睇吓有無嘢減價又啱用先！
點知真係俾我吼到 "荀盤" 喎，隻保得橄欖油減到好平，1L 孖裝都只係賣 $99.9，叫做平均每支都唔駛 $50囉。
於是就即刻睇吓其他牌子做比較，發覺真係幾平，隻 First Choice都唔平得幾多，不過佢就唔係意大利做，係西班牙做嘅 (其實邊度嘅出品會靚啲我都唔係咁清楚，不過直覺上覺得意大利好似 high 啲，哈哈！) 我再睇番保得嘅成份，原來有 20% 係 Extra Virgin 嘅橄欖油，80% 係普通橄欖油 (咁即係比起純普通橄欖油又 high 啲啦 )，所以就決定買嚟試吓 O 唔OK囉，加上屋企不嬲都係用緊保得嘅橄欖葵花籽油 / 橄欖芥花籽油，所以都應該有保證嘅。
之前都未試過用純正橄欖油 (都係用之前所講嘅橄欖葵花籽油 / 橄欖芥花籽油之類嘅調和油，因為平啲嘛)，遲啲試吓用嚟煮意粉同整麵包，睇吓係咪真係特別香啲先！
呢隻唔係好野.
回覆刪除佢叫"pomace" olive oil. "pomace" 即係將D 榨曬油既果渣,溝 化 學 物 料 黎抽取最尾尾D油.
橄欖油最好既係Cold pressed extra virgin : 機器用重力將新鮮採收原粒橄欖壓出油汁, 色綠, 味香, 入口有少少苦同辛辣/胡椒味(因為會選用未完全成熟曬既果黎用 --含有最高抗養化物-- 所以會有D咁既味道. 好似生蒜生洋蔥生羌等). 加幾滴醋, 灑兩粒salt&pepper, 做沙律, 沾面包, 拌意粉等生食最有益, 又好味.
次等既係virgin olive oil/ pure olive oil : 色黃味淡. 第一輪榨完, 然後用攪拌器打碎果肉再榨, 高速攪拌器會發熱, 熱力無可避免會影響油質-- 破壞部份抗氧化物. 榨出既油會杰D, 味會淡D, 無苦同辣味(好似煮熟曬既蒜頭洋葱咁). 用黎炒送用.
再差D既係"extra light" ,唔知係咩野黎.
最差就係"pomace". 有化學野.
下次買要小心啦.
[版主回覆07/17/2013 20:59:51]哈哈，呢個 post 係 2008 的事了，事隔咁多年，有多少少常識，我已經知道呢隻嘢係乜喇！所以我買過一次已經無再買嚟用，依家會用調和剌橄欖油煮食，因為相對便宜，如果撈沙律或整油醋汁蘸麵包就會用 Extra Virgin，經驗真係要累積返嚟哦！
好多謝你無私嘅分享，你有時間就過嚟指教一下小弟啦！
指教? 我真的無本事啊. 絕不敢當.
回覆刪除偶遇黎到呢度, 又見到提及pomace olive oil呢樣野, 所以多口講講所知事實,等下個偶遇黎到呢度既新人, 可以多一點參考資料而已.
雖然近年報紙雜誌都多左報導, 但其實好多人都唔知呢樣係咩, 早個零禮拜, 我就係超巿見到個巿奶係度揀油買, 佢楂住支pomace講左句"橄欖油咁多種, 都唔知有咩分別", 我見得閑,於是搭dare向佢解釋左一輪.
幫一個人食少D垃圾食物, 當做件小善事. :-)
[版主回覆07/30/2013 17:55:05]妳份人真係好有心，對於一啲無認識或入廚初哥嚟講，真係唔知得咁多，有妳呢位好心人提點，實在係福氣哦！