買完疏乎厘盅之後，就上咗去惠康兜個圈，買定啲麵包聽日晏晝做 lunch。行到去賣麵包攤位，見到有個專櫃係專賣歐陸式麵包，我當然即刻行過去睇一睇啦，果度都有啲好傳統嘅歐陸式麵包，如：法包、田園包、裸麥包……突然俾我發現到一個好少見到嘅麵包，成個都係橙紅色，好特別，係好奇心嘅驅使下，就梗係即刻拎上手睇吓係乜傢伙同用咩材料做啦。
原來呢個就係 Lily成日掛係口唇邊嘅Panini，佢之所以全個都橙紅色，係因為用咗天然晒乾嘅蕃茄做主要材料 (你哋睇到果啲深色嘅物體就係 sundried tomato 啦)，加埋啲香草落去，真係香到暈呀！不過食落就覺得有啲唔係好夠味 (連不嬲食嘢口味都好淡嘅我都話唔夠味就真係淡咗啲啦)，落番多少少鹽可能會好味啲。
我睇番個包裝袋，原來佢係寫住 "Parini" 而唔係 "Panini"，心諗：究竟係佢打錯字呀，定係 Lily講錯咗俾我聽呢？於是我就上網查一查。點知當我喺 Yahoo度一 打入 "Panini, bread"，就已經搵到出產呢個麵包間公司 La Rose Noire (意思係 「黑玫瑰」The Black Rose)，唔通淨係得佢哋有出呢種麵包！？無理由一 search就即刻 search埋呢間公司咯，咁就順便睇吓佢哋個網頁啦，發覺原來佢哋係專喺牛奶公司集團屬下嘅超市有專櫃，可能都係牛奶公司集團旗下嘅一間公司呢。
P.S. 呢度有兩條 link係啲網友介紹 La Rose Noire 嘅產品：
1. http://hk.myblog.yahoo.com/vanlily-breadessert/article?mid=19530
2. http://www.pbasehk.com/Macy/Macy572
panini 係未好好味呢? 想唔想買番部機試下自己整呢? 快d去我個blog度睇啦! http://hk.myblog.yahoo.com/tinawong03/article?mid=11 八月份購買還可以暑假價買!!!
回覆刪除[版主回覆08/21/2010 19:14:00] 唔好意思，我唔 啱用，留番你自己慢慢用啦，用壞一部再繼續用第二部；用壞第二部就再用第三部 …………