今朝一早起身，做掂哂屋企嘢之後就落街買餸，返到嚟都差唔多11:00am，可能因為之前未食早餐嘅關係，所以覺得有少少肚餓，於是就批個蘋果食啦。突然諗起啱啱買咗啲乳酪返嚟試，於是就諗到加埋啲乳酪落去啲蘋果度一齊食，如果啲乳酪真係奶味重嘅話，撈埋啲蘋果一齊食應該會易入口啲啩！
我諗同我熟嘅朋友都會覺得好出奇，一向都唔食牛肉、牛奶、牛油、芝士嘅我，點解會買乳酪嚟食？係因為我曾經睇過一本教整麵包嘅書，係食譜度用乳酪代替牛奶，當時我係度諗，都幾特別喎，如果我用有水果嘅乳酪整麵包，可能我會比用牛奶容易接受，於是我就曾經問過Lily：「妳食唔食乳酪o架？因為我諗住買嚟試吓，睇吓自己接唔接受到，如果唔OK，我就俾哂妳食o架啦。」結果佢話OK無問題我先至夠膽買嚟試咋，費事到時無人食揼哂佢就浪費食物啦，呢個動作係我呢世人最怕做同最憎見到人做！
今日試過之後，果然又OK噃，完全食唔到奶味，唔知係因為乳酪啲橙同芒果味冚過咗啲奶味，定係呢隻嚟自德國嘅乳酪用咗啲較為靚嘅牛奶去製造，所以無咗我最怕嘅奶味呢？
記得之前同 Winnie 行吉之島超市時，見到有乳酪試食，佢就叫我試吓，但係我記得果次我己經叫個 sales 俾隻最濃果味嘅我試，係藍莓味，始終都食到少少奶味，於是就放棄試食其他味道。其實以前同媽咪都試過買乳酪嚟食，已經唔係啲唔出名嘅牌子，記得好似係 Danone嚟o架，但係就好難食，好嚡口，連不嬲都食牛肉、牛油、芝士，飲牛奶嘅媽咪都頂唔順，佢都話唔好食，所以我哋就從此再無 "挑戰" 過呢樣嘢。雖然呢次我買嘅呢隻乳酪都有少少嚡口，但係就好食得多，又唔貴o添，4杯 (每杯 100ml)都係 $9 咋！。
其實我都想知道，係咪所有乳酪都係會有嚡口嘅感覺，定係啲貴嘢係唔會有嘅呢！？Anyway，以後又多樣食材可以選擇啦！
我吃過不少乳酪,同價錢唔掛鉤的,貴和平都食過,我先生唔食乳酪,但有次去加拿大坐那飛機上有乳酪,他一口氣吃光了,仲話好好食,自始就有佷喎,所以隻隻牌子不同我只會去到那隻大減價我就買那隻無特別的喜愛只因我太愛吃乳酪了
回覆刪除[版主回覆05/01/2013 19:34:03]我都係照用有味乳酪整，整完出嚟個 muffin 唔會食到個味道。
[緊張大師-小女人回覆05/01/2013 10:43:20]同吃其他牌子差不多,我現在食原味乳酪,跟你整綠茶muffin也可以有乳酪用,原來加了個味都不錯,
[版主回覆04/30/2013 19:33:01]無乜分別？咩意思呢！？妳想有咩分別！！？？
[緊張大師-小女人回覆04/27/2013 09:44:59]吃了二杯同其他的無乜分別無再買啦.
[版主回覆04/26/2013 18:49:19]咁試咗未呀？
[緊張大師-小女人回覆04/26/2013 18:16:57]放心我最鐘意吃乳酪的
[版主回覆04/10/2013 02:22:02]咁妳試試呢隻乳酪啦，唔鍾意就咁食的話，用嚟整糕餅或醃肉就最啱，夠平呀！