芝麻糊

        原來整芝麻糊都唔係太難咋！

 

材料：
黑芝麻
白芝麻
米
片糖
清水

 

- 先用白鑊將黑芝麻同白芝麻炒香。 

- 將芝麻同米一齊放落攪拌機度打碎 (米要預先用水浸約 30分鐘)。

- 將已打成粉狀嘅材料倒入煲內，加入清水，用中火煲滾 ( 如果你想啲芝麻糊食落幼滑啲，咁你就要隔渣啦，而我就無隔渣嘅，因為一來可以高纖啲，二來唔想咁麻煩。) 記得邊煮邊攪拌，因為好容易黏底，當見到開始煲滾時，加入已經煲溶咗嘅片糖水，再煲到大滾就得啦。

一碗熱辣辣、香噴噴嘅芝麻糊就係咁簡單整到啦！