鮮菌粟米奄列

        今日買咗兩盒真姬菇試吓，但係無論睇落去同食落口都好似本菇。

材料：
雞蛋
真姬菇
急凍粟米
乾蔥頭
鹽

        真姬菇切去低部，洗淨備用；急凍粟米解凍後沖一沖水，然後拖一拖水幾分鐘，去除雪味；乾蔥頭去皮、洗淨、切片；將雞蛋打落碗後，加少少鹽，  拂打成蛋液備用。燒熱平底鑊，白鑊烘一烘啲菇，等佢出咁啲水就盛起備用 ( 其實都唔係 " 啲 " 啦，一放落鑊已經出咗好多好多水，咁就唔駛攪到碟奄列 "水汪汪 " )，跟住就落油，爆香乾蔥頭，炒一炒粟米，盛起；最後就煎蛋，當底部煎熟就將之前所有材料倒番落去啲蛋表面，之後就將半邊蛋覆起，冚住另一半，再翻轉佢煎一煎香就攪掂。