Scone

        今次個 scone 都係 "黑玫瑰" (La Rose Noire) 嘅出品，佢吸引我買嘅原因除咗係減價之外，就係因為佢夠大！你哋唔好以為我用 close up 影佢影到咁大，而係事實上佢真係好大 o架，我屋企隻飯碗都唔係好放得落，好 "抆水" 咋！

        不過大還大，好食先至係最緊要，我就覺得始終唔及 A1啲 scone咁正，唔夠A1果啲咁鬆，比較偏向麵包質感，難怪 A1 果啲賣咁貴啦！

P.S.  La Rose Noire 呢個減價 $10兩個，原價好似係 $6個；但 A1果啲就細佢好多，大約 3/4隻手掌咁大度，賣 $5.5 一個，"吼" 到佢打烊前做特價就賣 $12 三個。