套裝碗碟？

        噚日又係去新港城教琴，行商場時又再走入上次買疏乎厘杯果間 Concept度，睇吓執唔執到荀嘢。今次買咗兩隻碟同一隻碗：

        同啲碗碟影完相，之後睇番先發覺原來我買果 3隻碗碟睇落去好似係一 set咁，但其實當時買果陣根本無留意到佢哋嘅色彩係咁 match，因為佢哋三隻係分別擺開，並唔係擺埋一齊 o架，所以證明我係比較鍾情於深色嘅嘢。

        下次再去就見唔到呢間舖喇，因為我聽到個老闆娘話會摺埋呢間舖，搬過去紅磡蕪湖街果頭，因為租金平啲，同埋人流都多啲喎。