2009年5月28日星期四

蒸蛋糕

        自從有咗焗爐之後就好少蒸蛋糕,所以今次就返僕歸真,整番次蒸蛋糕先。不過今次其實係有目的嘅,係專登整嚟帶去探媽咪嘅,而且亦都係一個實驗嚟 o架,點解咁講呢?因為我係用西式海綿蛋糕嘅整法,唔入爐焗而用水蒸,睇吓得唔得囉。





        個樣都 OK,都發得幾靚呀,仲同西式海綿蛋糕一樣咁軟熟 o添!不過食落口就比較嚡,唔知點解呢?用水蒸應該仲濕潤先啱 o架! 可能真係要跟番我喺圖書館借番嚟果本《黑糖糕蒸蛋糕》個食譜嚟整先得喇!


 



        呢個 muffin 模係 Louisa 借俾我用嘅,因為佢話睇過我個 blog 知道我會成日整 muffin,而佢又少整,所以暫時擺住喺我度俾我用。今次用佢嚟蒸蛋糕真係方便好多,之前我係要將啲軟錫紙逐個放入個硬錫紙撻模度焗或蒸,麻煩好多呀!


        我同 Louisa 依家會各自買唔同嘅蛋糕模交換嚟用,咁就可以慳番啲錢同存放位置啦,一舉兩得,幾好!


11 則留言:

  1. 喂, 我有個蒸蛋糕既 recipe 喎,我搵比你呀,都幾好食架喎 !
    [版主回覆05/29/2009 01:23:00]        好呀,唔該哂!

    回覆刪除
  2. 蒸蛋糕我鐘意呀!快靚正。尤其凱詩個芙蓉蛋糕,勁鐘意,一次過食三個都唔飽呀! 但硬係唔知點先可以整到咁鬆軟。你識唔識呀? 唔通落乳化劑?
    [版主回覆05/29/2009 16:20:00]        其實我就係實驗緊用蒸 嘅方法做到 好鬆軟 嘅蛋糕,唔知妳有冇食過「山崎」隻芒果蒸蛋糕呢?我就係想整到佢咁樣。         咁妳有冇試過跟陳明裡老師個食譜蒸原味蛋糕?有的話,咁夠唔夠軟熟?         我 諗出邊大部份麵包店都有落添加劑 o架喇!

    回覆刪除
  3. 山崎芒果蒸蛋糕我食過半個 (執亞女手尾)。
    未試過陳明裡老師個原味蒸蛋糕
    下面呢個就成日整俾亞媽(長洲拜山時向山頭食(我地幾家人咱家整定d巧手食物(唔係用黎拜山)然後就開大食會),佢話留第二日食都咁鬆軟,但係唔知係咪水份過多抑或我同個8吋蒸糕盤太大,蒸完半來係半圓形,一出鑊就收縮,變左平面,不過真係好鬆
    材料 :麵粉5安士 、糖5安士,大雞蛋4隻、花奶200ML、發粉2茶匙、         欖 油1湯匙、雲呢拿香油少許 打到好起好稠先蒸。
    另一個就係
    材料 : 低粉 200克、泡打粉4 茶匙   (我覺得太多了蒸出來有苦味,用3茶匙,蒸出來效果OK!)、蛋 2隻、砂糖 80g、牛奶 180ml   、 菜油 4 湯匙 (我用1湯匙)
    用呢個食譜我就係用鍚紙muffin 杯,蒸完個樣好圓好靚,但味道都好ok,但係隔左一日凍食,冇上面咁鬆軟。

    [版主回覆05/30/2009 13:43:00]        等我得閒都試 吓跟妳個食譜整先!         謝謝妳!

    回覆刪除
  4. 我成日都恨蒸到好似凱詩個芙蓉蛋糕咁鬆軟蒸蛋糕 (我估呢個係蒸掛),佢應該係乳化劑做,我今日下晝突登走去賣左盒乳化劑,試吓楊桃本黑糖糕蒸蛋糕個原味天使蒸糕,佢有乳化劑落,但係幅相好似都好實喎! 真敗家,為左一個蛋糕走去賣支未必會下次用既野。
    聽日或後日蒸完話你知個效果。
    [版主回覆05/30/2009 23:59:00]        好呀,派妳做先頭部隊做實驗,等妳個結果呀!         妳講到凱詩個芙蓉蛋糕咁正,我經過都要買個就 吓先得,睇 吓點好食法!         我一定唔會買呢類 o添加劑囉,除非真係失敗過好多次,非用不可啦!

    回覆刪除
  5. 我用左黑糖糕蒸蛋糕本書個原味天使蛋糕做分量除 2
    蛋白230克,細砂糖190克、乳化劑8克、麵粉285克、鹽2克,奶70ML、欖油20CC (我用菜油)
    唔係我要果隻口感,係就係鬆。於是我上網SEARCH,凱詩個芙蓉蛋糕可能係用某隻芙蓉蛋糕預拌粉做呀! 嘥咗廿皮買乳化劑添!
     
    [版主回覆06/19/2009 01:50:00]        嗯,乜原來妳已經整 咗 嗱 !我仲 喺另一個 post 度問妳 o添!乜有隻咁 嘅預拌粉 嘅咩?我去過 啲 bakery shop 都唔見有喎!其實我真係好想整到呢隻 feel 呀!等我遲 啲請教 Vanlily,睇 吓佢知唔知先!

    回覆刪除
  6. 我死心不息,上網search 見到呢個
    http://www.bakerking.com.tw/diy0601.htm
    我要再試整,因為要試到食落口要好輕身咁呀,即係要凍左都好鬆軟呀! 費事嘥左 22皮既乳化劑,起碼要試多幾個有乳化劑既蒸蛋糕,睇下边個似d。
    係呀! 我真係唔見香港d 烘焙店有所謂既芙蓉蛋糕粉賣喎。
    [版主回覆06/24/2009 00:23:00]        果然精神可嘉,抵讚!         我上次聽妳講完凱施個芙蓉蛋糕之後,就即刻去睇過, 諗住買 嚟試 吓有幾正,點知一睇完個價錢,我就唔捨得買喇!         妳睇 吓呢 啲資料有冇用:
    http://hk.knowledge.yahoo.com/question/question?qid=7008040802785 http://hk.knowledge.yahoo.com/question/question?qid=7008040600853         妳試 吓去圖書館借 《美味糕點》( 方芍堯編寫 ) 睇一睇,裡面有好多蒸糕食譜,包括馬拉糕。         妳估其實會唔會係用戚風方法整呢?我 諗妳可以參考 吓馬拉糕整法,因為佢都好鬆軟。

    回覆刪除
  7. Can you kindly post your recipe, please?
    [版主回覆02/01/2010 15:38:00]        呢個無咁鬆軟,比較 嚡口, 無咁好食 o架!妳不如睇 吓我另外整 嘅 日式吉士蒸蛋糕 呀,應該妳都會鍾意 o架!如果真係唔鍾意的話,妳再叫我 post 番個食譜啦!        多謝妳咁欣賞喎!

    回覆刪除
  8. I don't want to buy so many different kinds of ingredients. Do you have a simpler recipe?
    [版主回覆02/02/2010 01:00:00]        個日式蒸蛋糕 其實都唔係好多料 啫,妳可以唔落吉士粉,果分量用埋低粉就得;至於淡忌廉同水,其實係用兩者總和 嘅 牛奶代替就得 o架啦,同埋用普通煮食油就 OK 喇!        如果妳仲係嫌煩的話,咁妳就做個最普通 嘅海綿蛋糕,然後拎去蒸就得 o架啦!我呢個實驗品都係咁咋嘛!

    回覆刪除
  9. Krestel, thanks for your reply. Can I use self-raising flour to replace baking powder and flour?
    [版主回覆02/02/2010 11:54:00]        當然可以啦!不過妳要留意自發粉多數係用中筋麵粉,己我自己就多數用低筋麵粉整蛋糕。我當初蒸蛋糕時,係請教過我表舅母,問佢用普通麵粉定自發粉,佢話兩樣都用過,覺得用自發粉蒸蛋糕會比較 嚡 !

    回覆刪除
  10. May I ask one more question, why do we need to put 粟粉 ?
    [版主回覆02/02/2010 12:13:00]        我睇過書,粟粉除可以令麵粉降低筋性之外,仲可以令蛋糕更加綿密鬆軟。         所以如果食譜要用低筋麵粉,但手上只得中筋麵粉時,只要加入少量粟粉就可以代替低筋麵粉喇!份量比例為 80% 中筋麵粉 溝 20% 粟粉。         預祝妳成功!

    回覆刪除
  11. Thanks yery much for your reply.
    [版主回覆02/02/2010 14:09:00]        You're welcome!

    回覆刪除