2011年5月4日星期三

芒果黑白糯米

        幾乎每年都會最少整一次呢個芒果糯米,因為我實在太鍾意食喇!之前整香芒布甸卷紅咖喱雞芋蓉西米露,用剩咗啲椰漿同芒果,屋企又長期有黑、白糯米喺度,有齋哂材料,唔整都對唔住自己啦!之前用過兩種唔同方法整,今晚又試咗第三種方法。 

        話時話,之前一口氣整咗三款朱古力食品,咁啱得咁橋,連糯米都連環三擊!第一擊係香芒布甸卷,第二擊係芝麻麻糬多,呢個芒果黑白糯米就係第三擊。
 
 


材料:
黑糯米      80
白糯米
      80
滾水          75 毫升

椰漿          65 毫升
              1 1/2 湯匙
              少許
芒果          1


- 糯米洗乾淨,分別用水浸 6 個鐘,之後瀝乾水份,放入碗內。

- 10 毫升滾水倒入白糯米度,拌勻;65 毫升滾水倒入黑糯米度,拌勻。

- 隔水蒸 35 分鐘至熟透,煮成糯米飯。

- 椰漿、糖同鹽拌勻,平均分成兩份,分別加入兩種糯米飯內。

- 分別將兩款糯米飯倒入煲內,用慢火煮至所有椰漿被完全吸收,然後上碟。

- 芒果去皮,起肉後切成粒,與糯米飯伴食。
 
食譜參考自鄭慧芳、胡玉玲編著嘅《香港人氣甜品》。
 

 
 

嘩,睇見都流哂口水喇,it's my favourite!







三個方法之中,我覺得呢個煮法係最好味嘅,不過就最繁複!








Notes
-
如果想椰漿味更加香濃的話,可以用額外椰漿加適量粟粉拌勻,之後倒入煲內煮
 
至濃稠成椰漿芡汁,食時淋上糯米飯面即可。

 
- 若果一次過食唔哂的話,可將糯米飯放入雪櫃保存,食之前蒸番熱就得。

- 原食譜喺蒸糯米時有加到班蘭葉一齊蒸。

- 你哋亦可以參考番我之前嘅兩種做法,睇吓邊種啱你:

  芒果椰汁鴛鴦糯米

  芒果黑糯米


 

2 則留言:

  1. 又黑又白又椰醬...唔使食飯啦.... 黑白米用既水份差咁多...黑米65ml水蒸完會吸收哂咩..仲要加椰漿...
    [版主回覆05/04/2011 14:59:00]        哈哈,妳真係無講錯,因為 噚日係初一,教完琴返屋企又晏喇, 所以就整呢個當飯食呀!         我之所以鍾意呢個食譜,原因係佢話到俾我聽,點解我以前蒸黑糯米蒸極都蒸唔腍,原來黑糯米要用好多水一齊蒸! 噚晚我其實係將兩碗糯米一齊蒸,同樣係 35 分鐘,碗黑糯米真係一滴水都無哂,但今次真係又腍又軟糯,我初時都有妳呢個疑惑 o架,不過對過英文版本,都係要用咁多水,咪照跟囉,點知原來真係咁樣呀!

    回覆刪除
  2. 有得睇,無得食添
    [版主回覆05/05/2011 01:35:00]        唔會無得食,妳即刻郁手整咪有得食囉!

    回覆刪除