金銀蛋鹹瘦肉粥

材料：
珍珠米
鹹蛋
皮蛋
瘦肉
陳皮
水
鹽

        瘦肉洗淨，預先用鹽醃過夜；米洗淨後，用清水浸半個鐘；烚熟鹹蛋，同皮蛋一齊切粒備用；陳皮用熱水浸軟，去瓤、洗淨。煲滾水，先落米，煲到米粒開花後，加埋陳皮、瘦肉同蛋落去，煲多大約 10 分鐘就可以熄火，放入真空煲內繼續煲。食之前，將舊瘦肉拎出嚟，用叉將佢撕成肉絲，然後放番入啲粥度，同煲湯一樣，啲粥要拎出嚟煲多十零分鐘，記得邊煲邊攪，因為好易黏底。試味後如果覺得唔夠鹹，可酌量加鹽調味。

        好多人都認為真空煲唔似得明火煲嘢咁好，認為只係焗喺個煲度 "隅 " 熟佢，其實如果用得其法，煲出嚟嘅食物同普通明火煲無異，仲可以慳番唔少燃料費 o添！你睇吓我用真空煲煲嘅粥都一樣可以咁綿 o架！