椰香粟米飯

        今晚食蒸水蛋同埋啲隔夜餸，見無新鮮蔬菜，所以就用咗之前煮芋頭用唔哂嘅椰漿同噚日買嘅超甜粟米，煲咗啲椰香粟米飯。

材料：
三色米 (白米、紅米、糙米)
新鮮粟米
椰漿

        米洗乾淨後用水浸一個鐘，之後放入電飯煲內，加水及椰漿，再喺米面鋪上粟米，就可以照正常程序煲飯，話咁快十零分鐘後就可以食到一碗熱辣辣、充滿椰香嘅粟米飯啦！

        最衰睇相只係得視覺享受而無臭覺享受啦，如果唔係，你哋一定聞到好香嘅椰漿味，引死你哋啊！嘻嘻！