好開心呀，新微波爐卒之趕及新年前送到啦！
睇吓佢個外型幾靚！不過就大舊咗啲，佔好多位啊！
內壟都好大，最好就係唔再需要個轉盤，慳咗好多位，可以放隻大啲嘅碟入去。
哎喲，穿咗崩，連我對玉手同部相機都上埋鏡o添！
呢個微波爐有好多功能 o架，除咗本身微波功能外，仲可以用蒸氣、烘焗、燒烤、發酵同整果醬等等，亦可以混合配搭各個功能，真係好方便，係出邊電器舖賣 $3,500 - $3,900，但係我依家只需 $2,270 咋，因為用 credit card 啲積分加錢換嘅，所以慳咗好多。如果唔係因為上年用哂啲年資折扣 quota，我仲可以只需一半積分 o添咋！不過唔緊要啦，反正我啲積分都多到嘥。
呢個禮拜比較得閒，可以試吓用嚟焗蛋糕囉！
我又想換番個，請問是那間bank，要幾多積分？thx
回覆刪除[版主回覆03/01/2009 00:29:00] HSBC呀，不過依家已經無得再換 lu，因為 09 catalogue 已經無 咗呢款兜微波爐喇！
話，你成日碌卡架？我 d hsbc 分上年換左酒店飲食 coupon 就無晒 lu
回覆刪除[版主回覆08/12/2009 23:59:00] 係呀，我習慣 咗用 credit card，買乜都碌 card，就算去超市買幾蚊雞 嘢都碌 o架！不過要換到呢個微波爐就梗係唔可以單靠買 嘢啦，係用 嚟交保險、電費、水費、差響、煤氣 …… 咁先至可以儲到好多分，仲要有 50% 年資獎賞先至換到咋！
呢部好野喎
回覆刪除係咪新出O個陣賣4K幾O個部?
[版主回覆10/28/2009 00:46:00] 新出時賣幾錢唔記得喇！不過就真係好貴！ 佢真係好好用 o架，我個 friend 聽到我講，都即刻買番部，之後仲買多部擺 喺公 司 o添！
我個FD老公O係P記做, 買9百蚊咋
回覆刪除[版主回覆10/28/2009 00:56:00] 係呀，我個 friend 第一部都係 $900 咋，不過其實係「吉之島」陳列貨品，仲壞壞 哋，所以隔幾日已經叫「信興」師傅上 嚟 check！
佢都係陳列品, 外殼有少少花, 不過冇咩所謂 但我都係用慣傳統簡單焗爐多D^^
回覆刪除[版主回覆10/28/2009 14:04:00] 嘩，做乜幸福蠍妳變 咗身 o架，差 啲唔認得妳 o添！ 不過無所謂啦，用到就得啦！ 因為我除 咗貪個爐有蒸氣功能，可以焗歐陸麵包時方便 啲之外，最重要係唔駛放兩個爐 (微波爐 & 焗爐 ) 喺屋企，慳好多位呀！
你好不好意思 ,打攪你 .我剛剛也買了這部爐 .因為我是個入廚和烘焙新手,什麼都不懂 ,從你的 Blog 得知你是入廚和烘焙高手 ,所以想請教你關於使用這爐 . 這爐 跟爐 附有玻璃盤 ,烤盤和烤架 ,想請問若我焗嘢時 不用跟爐 附有的烤盤而用其他盤 {eg : muffin 盤或圓形蛋糕盤 }. 哪焗嘢時盤應放在跟爐附有的 烤架上還是把跟爐 附有烤盤插入
回覆刪除你好不好意思 ,打攪你 .我剛剛也買了這部爐 .因為我是個入廚和烘焙新手,什麼都不懂 ,從你的 Blog 得知你是入廚和烘焙高手 ,所以想請教你關於使用這爐 . 這爐 跟爐 附有玻璃盤 ,烤盤和烤架 ,想請問若我焗嘢時 不用跟爐 附有的烤盤而用其他盤 {eg : muffin 盤或圓形蛋糕盤 }. 哪焗嘢時盤應放在跟爐附有的 烤架上還是把跟爐 附有烤盤插入兩則插槽再把 {muffin 盤或圓形蛋糕盤 }放上烤盤上呢 ?
真的不好意思 ,打攪你 希能回覆 Thanks
[版主回覆03/25/2010 02:55:00] 首先要多謝妳咁誇獎我，但我其實都只不過係一名廚房初哥，乜都唔識 o架，並唔係你口中所講 嘅高手 ！有機會大家多多交流。 講番個爐，咁就要睇 吓妳想焗 嘅食物個高度同 size 啦！我兩樣都試過，因為呢個爐好神奇，只容許烤盤放入一個高度，如果個容器比較高，又或者要焗全雞的話，咁就要改用烤架先夠位喇！否則一般都會用番個烤盤。不過有一點要注意，就係當妳發覺爐火容易將食物焗 燶時，就最好唔好用烤盤，改用烤架，因為距離爐頂遠 啲無咁易 燶 o架！！ 希望幫到妳啦！
多謝你的回覆你解釋很祥細哦 ! 我會慢慢試試 .THANKS.
回覆刪除[版主回覆03/29/2010 01:25:00] 唔駛客氣，預祝妳成功！