2009年1月20日星期二

合桃包

        星期六 Lily嚟學琴時又請我食麵包啦,無錯,又係我倆嘅 favourite 麵包店 "Pumpernickel 黑麥"。今次佢就帶咗個蜜糖杏仁檸檬包同合桃包俾我試。




        呢個係合桃包,個樣睇落去好似黑麥包,但係食落就完全唔同。啲合桃雖然切到好細粒,但係因為用料夠多,所以咬落去啖啖都有合桃,麵包鹹鹹香香,都幾好味,如果啲合桃大粒啲仲正!


        至於個蜜糖杏仁檸檬包就無影到相啦,因為教完 Lily 之後就落落街買餸,返到屋企已經好肚餓,所以見到個咁吸引嘅麵包就食都食唔切,食食吓先記得無影到相 o添!所以相片欠奉啦。不過個包就比較普通,無乜 "個性",合桃包好食好多。


2 則留言:

  1. 哈哈....你錯喇!果個唔係「花生包」黎O架! 阿毛都食唔到果個係咩包....估唔到你都食唔到係咩包,莫非比錯包我?! 其實,佢係「honey almond lemon」,我第一次試果陣,仲以為食ing洗潔精添。O的檸檬唔係好大片,但都好勁檸檬味喎.所以我都唔明點解你地試唔出. 哩次係最後一次買包比你喇,早幾日去果間黑麥,人去流空喇,唔知係執左定係搬舖.. 哈...你都唔駛再買包比我試喇,當打過和咯....嘻
    [版主回覆01/23/2009 09:33:00]        吓,真係 杏仁包!?其實我一食就食到係杏仁 o架啦,不過感覺係煲完湯之後腍 咗 嘅南北杏,我 諗西式麵包都唔會用南北杏 啩, 所以就估係腍 咗 嘅花生囉 !哎喲,我要改番個 blog先。Honey Almond Lemon?唔係呀嘩,一 啲杏仁味、蜜糖味同檸檬味都無喎,that's why 我話「 不過個包就比較普通,無乜 "個性" 」 。睇 嚟呢個係佢 哋最差 嘅出 品囉!
            乜金融海嘯 啲威力真係咁勁,連黑麥都唔掂!不過妳放心,我會繼續俾包妳試 o架,因為係我自己整 嘅,個新微波爐今日送 嚟啦,好開心呀!

    回覆刪除
  2. 杏仁唔多覺,檸檬味就勁O的..一咬就已經有喇. 哦~~~~唔駛客氣啦!唔想再食咁多包....

    回覆刪除