蒸水蛋

材料：
雞蛋
凍滾水
雞粉
蔥花

調味：
甜豉油

        雞蛋拂打成蛋液，加入一倍半份量嘅凍滾水及雞粉拌勻 ( 睇書學番嚟，如果無清雞湯就用雞粉開水代替 )，之後用錫紙包好，然後拎去蒸，到差唔多熟時就可以熄火，灑上蔥花，用煲內嘅溫度將佢焗熟，咁樣整會滑啲，唔會熟過頭，幾分鐘後就可以拎出嚟，加少少甜豉油喺面，就可以上枱 lu。

        今次碟蒸水蛋整得好好，好滿意，因為非常之滑，而且學阿蘇話齋，拎出嚟果陣係 "震吓震吓" o架！

        媽咪以前教落，蒸水蛋一定要用凍滾水，唔可以用生水，如果唔係就蒸唔成。至於水嘅份量就係 1:1 或 1:1.5，視乎自己鍾意碟水蛋嘅結實程度。