開年飯 (二)：日式京蔥燒汁帶子

        呢個餸聽個名就好似好複習，但係其實係非常之易煮。

材料：
京蔥
急凍帶子

調味料：
日式燒肉汁
糖

        呢支就係日式燒肉汁喇。
 

        帶子解凍後沖一沖水，然後用粟粉逐隻 "捽幾捽"，過水洗淨後就放入滾水中，立即熄火，冚蓋焗 30 秒鐘，即刻撈番起佢，攤凍備用；京蔥洗淨後切粗片。燒熱平底鑊，放京蔥落鑊炒香，炒到五成熟就加入燒汁，煮一煮就放埋帶子落去，因為燒汁都幾濃味，所以落番少少糖調味，唔駛太鹹，兜幾兜就好熄火上碟喇，如果唔係啲帶子就會超縮水同變得過實，唔好食 o架喇！

        點呀，係咪好易煮呢！阿馳就話最欣賞呢碟喎。