腐乳蒸茄子

        一個既簡單、又好食嘅素菜，真係好易整 o架咋！

材料：
茄子

芡汁：
粟粉
腐乳
糖

        茄子洗乾淨後切成兩段，每段再切開 4份，平放排好喺碟上，之後隔水將佢蒸熟。與此同時，就可以煮定個芡汁，先放腐乳落鑊，加入適量水煮開成腐乳汁，跟住落糖調味，煮滾後就加入粟粉水埋芡備用。當所有茄子都蒸軟，就代表已經蒸熟，將之前預備好嘅腐乳汁淋喺茄子上面就完成喇。

        茄子非常軟熟，加埋腐乳汁就更加惹味。以前細個嘅時候媽咪間中都會整呢個餸，不過就將啲茄子切細條，蒸熟後就用筷子扯開成一絲絲狀，之後直接將腐乳加入撈勻，咁樣就有另一番風味，不過唔知點解，用咁嘅方法整，食落口會有少少嗆喉。