香橙燕麥法包

        好耐都無喺 Market Place by Jason度買麵包食 lu，星期四喺大角嘴上堂前，專登行過去朗豪坊間Market Place by Jason 買麵包，今次就揀咗呢個香橙燕麥法包嚟試。

        麵包好重手，知道裡面一定足料，而且聞到都好香，但係就唔知係乜嘢香料味。除咗面頭舖滿燕麥片之外，切開裡面仲見到有果肉。

        裡面除咗有提子同橙皮乾之外，仲有啲果仁 o添！所以食落除咗有果香之外，仲有果仁嘅香味同 "口感"。

        麵包本身果 texture幾好，軟硬度適中，唔會太軟、又唔會太硬，個皮又唔會好似 baguette 咁硬。之但係有一種好特別嘅味道我唔識點去形容，就好似食緊咸占餅咁嘅鹹香感覺，幾特別，有果甜又有鹹香，唔通佢好似咸占餅咁落咗南乳？