2009年3月25日星期三

新雪梨 & 無花果

        買完曲奇,買完上海米,咁就梗係順便行埋過去買水果啦!今次 Louisa 都買咗幾款水果,有梨、桃同木瓜,個職員仲送咗盒新鮮無花果俾佢食 o添!



        呢個就係新雪梨喇,就咁睇無乜特別。


 



        放喺盒無花果隔離俾你哋做過比較。


 



        拆開包裝紙之後,我專登叫 Louisa 拎隻玉手出攞住佢嚟影相。不過佢就話咁到突顯唔到佢嘅特別,應該要咁樣影:



        專登擺喺個大裝新奇士橙隔離,咁就知道佢有幾大喇,記住,係大裝新奇士橙嚟 o架!你話係咪大得好誇張哩!


        夜晚 Frankie 切開個梨俾大家食,但佢自己就淨係食切剩落嚟個芯。點解?因為淨係個芯都成碌柱咁大,佢都問我哋有無見過生果淨係個芯都咁巨型,我話驟眼睇落佢仲以為係支大嘅方形白蠟燭 o添!


        至於盒無花果,Louisa就無乜興趣,所以淨係叫我同 Frankie 試。我覺得幾好食,又腍又甜,同煲湯個啲無花果一樣味道,不過就甜好多好多!但 Frankie就只係覺得 OK,唔係太喜歡。Louisa 見老公都唔係好鍾意食,咁 Arthur 同 Genevieve就更加唔駛講啦,所以佢話叫我拎番嚟請我老豆食。




        我老豆食完都話好食、好甜,啲皮都好滑咁話。


 


1 則留言:

  1. 真係咁好食?今日九龍城生果舖又打來,話返咗d日本奇異果,size係一般奇異果既double咁大,我睇吓如果買咗就留番一個比你啦, 呵呵 !
     
    [版主回覆03/28/2009 21:57:00]        嘩,咁誇張,其實係咪基因改造 o架!
            好,多謝妳先!到時見。

    回覆刪除