噚日去街市買完餸之後，上去商場買少少嘢，經過屈臣氏門口，見到個 banner 寫住搬遷清貨，徇眾要求，延長多28天，所以就走入去 look look，睇吓有無平嘢執，可惜已經知得太遲，舖內大部份貨架都吉哂，正想掉頭走人時，俾我見到呢隻朱古力勁平，原本賣廿幾三十蚊，依家就只係 $13。
記得睇過明仔個 blog，佢話呢隻係佢嘅 favourite，所以二話不說就拎咗上手，行去 cashier 度俾錢。我咁耐都未試過食咁濃嘅朱古力，試吓會唔會嫌苦先？如果真係頂唔順的話，咪學明仔咁用嚟整蛋糕或者曲奇囉！
話時話，都唔知領匯要整幾耐，攪咁耐個商場都未攪掂嘅，周圍都沙塵滾滾，煙霧彌漫，啲空氣好混濁呀，個個行商場都掩住口鼻，好麻煩！
沒有留言:
發佈留言