香腸粟米忌廉長通粉

        呢個 pasta 好容易整 o架咋！

 

材料：
急凍粟米粒
香腸
長通粉
忌廉雞湯

調味料：
糖
即磨五色胡椒
混合香草

        今次我用嘅忌廉雞湯係外國版，唔刻平時喺一般超市買到果啲香港版，係之前喺樂富吉之島超市買嘅，好仲減緊價 o添，印象中好似只係 $5.X一罐咋！

 

        呢隻特別版最好就係唔駛用罐頭刀嚟開，一拉蓋就攪掂。

 

        仲有樣嘢特別呀，除咗招紙面度印有食譜外，喺招紙底都印咗另外 4份食譜。

 

        搣開張招紙就見到啲食譜喇。

        講番點煮先，首先煲滾水，落鹽，將長通粉烚熟，之後過冷河，備用；粟米解凍後略沖洗，然後汆水備用。燒熱油，將香腸略為煎香，盛起；倒入忌廉雞湯，加適量水將湯煮成較稠身嘅汁，之後落調味料，再加入粟米同香腸，最後加埋長通粉煮番熱就食得喇，俾咪真係好容易哩！又係懶人菜一道。