2009年2月16日星期一

自製蜜汁叉燒

        唔好以為自己整叉燒係好麻煩,其實好容易同好簡單 o架咋!我都係跟住叉燒醬個樽身包裝紙上個食譜整咋嘛!



材料:
枚頭瘦肉
蜜糖


醃料:
叉燒醬
玫瑰露酒


        首先當然要將舊豬肉洗乾淨啦,之後用醃料醃好,最好醃過夜,其間我翻過幾次,等佢可以均勻入味。用 180度預熱焗爐,將醃好嘅豬肉放入爐焗, 15分鐘後將豬肉翻轉,同樣焗15分鐘,之後搽上蜜糖,再焗多 2分鐘就得喇!



        個味道都幾似喺燒臘舖買果啲叉燒,雖然好香玫瑰露味,不過食落口就食到酒精味,唔知係咪落得太多呢,定係支玫瑰露酒 cheap 呢?我當然唔係買果隻 "豬膽樽形" 嘅經典玫瑰露酒啦,咁細支都要 $27.9,我只係買佳寶凍肉公司自家出品嘅玫瑰露酒咋,$13 一大支呀!



        呢舊雖然今晚無食到,但一睇落去就知道一定腍過今晚食果舊,根據我嘅經驗,切開後如果裡面啲肉色好白的話,咁就會韌同嚡;但如果顏色好似呢舊咁比較沉色,啲肉就一定腍滑!


沒有留言:

發佈留言