齋鹵味 (齋鴨腎)

        元宵佳節，即係正月十五，所以又係我嘅齋期，今日我參考咗網上資料，學整咗一味我幾鍾意食嘅齋鹵味，就係齋鴨腎啦！

材料：
麵筋 (水筋)

調味料：
老抽
素沙茶醬
素雞粉
胡椒粉
鹽
冰糖   

- 麵筋洗乾淨，然後煲滾水，將麵筋放入汆水。

- 之後用抹手紙將麵筋水份索乾，放熱油內炸至金黃色，盛起瀝乾油份。

- 將所有調味料一齊落鑊，加水煮滾後就將炸好麵筋落鑊，冚上鑊蓋，用慢火煮至
  入味。

 

- 其間記得間中翻一翻，方便均勻上色同入味，煮至收汁即成。

我自己就放入焗爐焗代替炸，最好就係一路焗，

一路噴蒸氣，麵筋唔會太乾身。

其實我喺網上搵到幾個食譜都係用豆瓣醬，

不過我諗用沙茶醬嚟整應該仲惹味！

       

Notes：

- 如果認為麵筋未夠入味或上色，但汁料已經差唔多煮乾的話，可以加適量熱水
  繼續煮 。