材料：
河粉
炸魚片
芽菜
豆卜
青瓜
叻沙湯料：
咖喱叻沙醬
椰漿
炸魚片同豆卜沖水洗一洗，之後將魚片切片、豆卜開邊備用；芽菜摘去根部後洗乾淨；青瓜洗淨後切片備用。
先將芽菜拖一拖水，但切勿煮至腍身，要爽口。另外再煲滾水煮湯，加入叻沙醬同椰漿，煮滾後加入炸魚片同豆卜，轉慢火繼續煲多一陣間。跟住煮河粉，河粉本身已經煮熟，所以唔駛煮太耐，如果唔係就會過腍。將叻沙湯舀入裝有河粉嘅碗內，加入炸魚片、芽菜、豆卜同青瓜，咁就食得喇！
呢個係一個好傳統嘅馬來西亞地道食品，煮之前當然要請教一吓身為大馬華僑嘅 Li Kien 啦，佢話應該用油麵嚟煮 ，雖然個叻沙醬包裝袋上面幅圖都係用油麵，不過我就唔係咁鍾意食油麵，所以就改咗用河粉囉！
咁方便易整, 等我都試吓先
回覆刪除[版主回覆02/16/2009 23:48:00] 係呀，好簡單咋，快 啲 試 吓 啦！
我喜歡用米粉呢~
回覆刪除[版主回覆02/18/2009 11:58:00] 咁妳係用廣東米粉、新竹米粉、定係泰國米粉呀？
我諗我用O既廣東米粉~
回覆刪除[版主回覆02/18/2009 13:18:00] 哈哈，咁多種米粉當中，我最唔鍾意食廣東米粉，因為比較 嚡口，同埋 好易整到 "碎濕濕"。
Kestrel,好好味呀!!睇見都想食呀!!!! 想問吓包汁料喺邊樹買架???
回覆刪除[版主回覆03/12/2009 01:18:00] 喺營多東南亞超級市場同吉之島超級市場都有得賣，或者妳亦可以留意 吓一 啲小型東南亞 / 印尼店鋪都應該有 o架，我屋企附近個 屋村街市有檔專賣東南亞食品香料，佢 哋都有得賣，不過唔同店舖賣 嘅牌子可能有唔同。