2009年2月1日星期日

好似唔係我嘅錯嚟 o架喎!!

        初五果日我照常開工,仲由朝教到晚 o添!一早係屯門教咗一個,之後去將軍澳,再跟住去九龍灣,最後一站就係廣播道。雖然只係四個地方、五個學生,但由於浪費咗好多時間係交通上面,所以都差唔多用哂成日時間。


        當我去到尾二果站時,發覺有個未接來電,原來係最後一站個學生家長打俾我,於是我就覆番佢電話,佢問我可唔可以早啲到,我話唔得,因為仲要教多個學生先至去佢度,咁佢就問我幾點到,我話 6:30pm 到,點知佢同我講:「依家過年時節,你應該問吓我駛唔駛調時間呀嘛,佢兩個細嘅又唔識同我講,咁依家唔駛出街啦!一陣間每人淨係上 45分鐘算啦,下次記得同我講聲!」之後 bye 都無聲就收咗線。


        大佬,妳明知自己要出街就早啲同我改時間啦,臨上堂前兩個鐘唔夠先打嚟問,我話唔可以早到仲好似係我唔啱咁,叫我下次記得同佢講聲。佢兩個仔有幾細呀,一個中一,一個中三啦,唔好話佢哋 "闊佬懶理"!唔怪得之媽咪成日都話上門教琴係無咁受尊重,人哋只係當你係佢屋企其中一個鐘點工人,叫我有機會就自己開琴行,唉,我有咁富貴就好囉!如果媽咪度,我就可以同佢 "呻" 兩句,佢安慰我兩句就無乜事,依間雖然唔係話好唔開心,但係咪就好似個 "此刻心情" icon 咁…… 無奈囉!


1 則留言:

  1. 個家長真係好仆街喎,唔講粗口鬧佢都唔得既....
    上門教又唔係無咁受尊重既,睇你夠唔夠惡同嚴啦,(個樣同教法)
    開琴行唔係好辦法,咁大投資....點解你唔試下叫哂所有學生上你屋企學,落廣告又好,點都好,盡量唔上門,一來慳好多時間,又慳車錢
    [版主回覆02/02/2009 23:41:00]     I know the fact, but almost of the students are living outside NT west, such as Ma On Shan, Tsueng Kwan O, Mong Kok, Kowloon Bay, Kowloon Tong........So they must not come to my home for lesson!

    回覆刪除